Shkolla e Mesme e Mjekësisë “Rezonanca”, nën patronatin e Alma Mater Europaea-Campus College Rezonanca, më 14.07.2021, Akad. Prof. Dr. Arian R. Idrizaj Rektor, ka nënshkruar një Marrëveshje bashkëpunimi me Universitetin e Prishtinës “Hasan Prishtina”, së bashku me Prof. Dr. Naser Sahiti Rektor si dhe Prof. Ass. Dr. Blerim Saqipi Dekan në Fakultetin e Edukimit, me qëllim të mbështetjes së interesave të përbashkëta lidhur me avansimin e njohurive profesionale, zhvillimit profesional të mësimdhënësve të SHMM “Rezonanca”, si dhe të aktiviteteve të tjera zhvillimore në fushën e arsimit.
